alema

Chega ‘nh invaders’, o xogo

Chega o que moitos esperabades. Un xogo para descargar adrenalina ante a invasión reintegrata. Un idioma está en perigo e ti podes salvalo! (Ollo: ás veces tarda algo en cargar)

Se tes problemas para ver o xogo, dálle aquí.

15 comments Novembro 16th, 2008

Cambio de ritmo: a partir deste domingo as actualizacións serán ás 10 da noite

Acabouse esperar ata medianoite para actualizar alema.org. A partir deste domingo día 12 de outubro (e non busquedes lecturas estrañas) este blog vaise actualizar, diariamente coma sempre, pero ás 22 horas e non á medianoite como foi costume nos últimos tempos. Trátase de pasar do late night ao prime time, dado o incremento no número de visitas da páxina e para facer máis levadeiros os acendidos debates que xeran algúns artigos. Este sábado toca descanso, pero mañá ás 10 da noite, hora (imposta?) galega, ou ás 21 horas en Portugal, hei regresar cunha sorpresa. Boa finde a todos.

10 comments Outubro 11th, 2008

O Osiño Gominola volve á carga interpretando “Pesadelo Reintegrata”

Aproveitando as frases máis célebres do programa da RTP “Cuidado com a língua”, o Osiño Gominola volve á carga para interpretar “Pesadelo Reintegrata“, un tema que esperemos que soe con forza nas próximas festas e eventos lúdicos dalgúns colectivos.

Vai con cariño. Non se me alporicen as masas. …E recorden e repitan “Nós [os portugueses] não falamos galego!”. Repitan, repitan…!

7 comments Outubro 4th, 2008

Exclusiva: esta medianoite farei un strip-tease reintegrata! A não perder!

Acabo de ler por primeira vez na miña vida un texto en reintegrata… e mesmo fun capaz de gravarme! Oh my God! O resultado é espantoso! Poderedes escoitalo esta noite. Não percas o lado mais reintegrata do alema… esta-meia noite.!

7 comments Setembro 25th, 2008

Unhas cantas cousiñas…

Bueno. Non todos os días un ten un tempo, inspiración, novidades,… O caso é que hoxe andei un pouco apurado e non puiden dedicarlle o esforzo necesario ao blog, o que vós merecedes. De todos os xeitos, aproveito para comunicarvos unhas cantas cousiñas:

- O blog do amigo gerardinho reabriu recentemente nun novo enderezo: www.madeiradeuz.org. Moi recomendable! Visitádeo, por favor

- O vídeo do Osiño Gominola superou xa as 1.000 visitas en Youtube; o Coelliño Orelliñas xa pasou tamén das 250 visitas en pouco máis dunha semana. Fixe!

- Estou pensando en poñer no blog un sistema para que vos poidades rexistrar e se cadra colaborar máis activamente. Non sei.. Dicide vós se vos apetece ou se o considerades unha boa ou mala idea.

En fin, que mañá será outro día. Unha aperta a todos.

8 comments Setembro 19th, 2008

Chegamos xa aos 100 artigos!

E digo chegamos porque considero as vosas achegas fundamentais para o funcionamento deste modesto blog. Grazas a elas e ás vosas críticas construtivas creo que sei algo máis do que sabía hai uns tres meses, cando empecei con esta aventura, tan divertida, apaixonante e chea de sorpresas.

Postos a facer un balance, quedo coa pelexa que algúns levamos a cabo para incluír a palabra ‘bueno‘ no dicionario da RAG (proposta que segue en standby, á espera dunha segunda resposta por parte da Real Academia), o ben que o pasamos cantando e bailando o osiño gominola (un dos ghits non oficiais do verán), ou as risadas que botamos coas paridas adaptadas de Martes y Trece (Terça Feira e Treze)… E, of course, as pelexas amigables que temos decote sobre o tema de sempre, e que non é sexo precisamente…

Houbo acertos e tropezos, sen dúbida. Pero isto non fixo máis que empezar! Para os próximos meses virán máis sorpresas para esta páxina e espero seguir contando coa vosa colaboración, coma sempre. Graciñas a a todos e…

ata mañá / até mañá / deica mañá / até amanhã / atá amanhã / deica amanhã / até manhã / atá manhã / deica manhã! / hastra mañana :* Unha aperta a todos.

7 comments Agosto 30th, 2008

Graciñas a todos: alema.org bate marcas de visitas

Só un micro-artigo para festexar as 342 visitazas que tivo onte alema.org. Unha auténtica pasada se temos en conta que estamos falando dun humilde blog con temática moi especializada. Graciñas a todos e que non baixe a cousa!

2 comments Xullo 30th, 2008

Rexeitados: comeza a conta atrás para a grande exclusiva do 25 de xullo

Moitos van quedar coa boca aberta coa exclusiva do 25 de xullo. A não perder!

1 comment Xullo 23rd, 2008

Aproxímase exclusiva para o 25 de xullo

Só podo ofrecer poucos pormenores de momento… as usual.

1 comment Xullo 19th, 2008

Son riquísimo

Nunca vos falei das miñas múltiples empresas? Teño unha cadea de accesorios de baño, outra que fabrica robots, unha floraría, unha empresa de servizos, unha granxa-escola, unha tenda de portas de madeira, un restaurante de cociña caseira, un salón de peiteados,… Que máis se pode pedir?

Así a todo, de todas cantas páxinas teño, a miña favorita segue sendo esta: alema.org.

13 comments Xullo 13th, 2008

Benvidos á miña nova casa, alema.org!

En fin… como a maioría vides de alemamalo.wordpress.com, só unhas palabriñas para darvos a benvida á miña nova casa: alema.org, o lugar onde a partir deste luns 7 de xullo (San Fermín, acabo de decatarme) cometerei as miñas maldades e bondades. Hoxe, día do cambio, estou facendo axustes para que non se perda ningún comentario da anterior versión e como aínda me queda choio de exportación/importación non vos hei dar a vara coas miñas cousas… pero ollo! despois do chupinazo prometo ser máis malo ca nunca. Poñédevos cómodos e se hai algo que comentar do estilo da nova casa… Xa sabedes, a criticar!

12 comments Xullo 7th, 2008

Máis que malo… very soon

Grava na mente os dez segundos deste vídeo.

4 comments Xullo 6th, 2008