alema

galego, portugués, reintegracionismo, lingua, castelán, español, bueno, urbano, lingüistas, discusión

• Inicio
• Eu
• Non reintegrata
• Bicho raro
• Bueno

Bueno

Este blog defende a inclusión da interxección ‘bueno’ no dicionario da Real Academia Galega. Actualmente estase levando a cabo unha campaña de presión para conseguir este obxectivo, á que calquera se pode sumar en http://causes.com/bueno.

Estes son os principais logros alcanzados ata o momento relatados cronoloxicamente.

• 9 de xuño de 2008. Nove días despois do seu lanzamento, o blog alema.org lanza unha proposta formal para que se admita a interxección ‘bueno’ como plenamente galega.
• 10 de xuño de 2008. O debate irrompe con forza na rede social Chuza!, onde a axiña se converte na noticia máis comentada da súa historia.
• 11 de xuño de 2008. A RAG e o ILG teñen por primeira vez coñecemento da iniciativa por medio dun correo dirixido ás dúas institucións.
• 13 de xuño de 2008. Unha investigación demostra que a interxección ‘bueno’ se emprega con regularidade na literatura galega desde hai 130 anos e que ata Castelao empregaba con frecuencia ‘boeno’.
• 25 de xuño de 2008. Ante a falta de resposta do primeiro, a RAG e o ILG reciben un segundo correo para que considere a proposta.
• 2 de xullo de 2008. O secretario da RAG responde por correo que a proposta ha chegar aos “órganos competentes” da institución. Manuel González di que se trata dun asunto “delicado” pero recoñece tamén que “a vitalidade na fala [galega]” de ‘bueno’ é “incuestionable”. Nese mesmo día remíteselle ao secretario da RAG unha carta de agradecemento pola atención prestada.
• 8 de xullo de 2008. Unha investigación demostra que o dicionario da RAE non inclúe os usos galegos de ‘bueno’.
• 17 de xullo de 2008. Constatamos que o debate sobre o ‘bueno’ tamén está presente na blogosfera catalá. Posteriormente, descubrimos que ata o líder de ERC Josep Lluis Carod-Rovira se pronuncou sobre o asunto.
• 12 de novembro de 2008. Fartos do silencio da RAG e tras constatar que a RAE admite estranxeirismos do tipo ‘USB’ ou ‘pen drive’, reactívase a loita e créase un grupo de presión na rede social Facebook, onde a causa recibe unha gran cantidade de apoios.
• 17 de novembro de 2008. Créase o dominio causes.com/bueno para a campaña de Facebook.

Este é, en liñas xerais, o argumentario que empregamos para a defensa de ‘bueno’ como palabra plenamente galega:

1. Non hai unha expresión equivalente a outra do galego (nin ‘ben’, nin ‘bo’, nin ‘vaia’… son o mesmo ca ‘bueno’).
2. ‘Bueno’, como interxección (non como adxectivo), é de uso universal por parte dos galegofalantes (ninguén fala sen soltar un ‘bueno’ e xamais poderá ser eliminado da fala).
3. O galego deulle unha dimensión diferente a ‘bueno’, mesmo maior á que ten en castelán
4. ‘Bueno’ ten presenza constante na literatura en galego (emprégase, segundo o TILG, desde hai 130 anos e ata Castelao usaba habitualmente ‘boeno’).

Se aínda non te sumaches á iniciativa, aínda estás a tempo. Bueno é galego e temos que estar orgullosos de empregalo. Legalización!

Vídeos:

Esta obra está baixo unha licenza de Creative Commons. O tema BlixKreg é cousa de uTheGuru. O blog creouse con WordPress. Log in