O bipartito saínte aínda nos pode facer un “regalo” antes de marchar
5/Marzo/2009
Leo unha interesante entrevista ao presidente da RAG en xornal.com e quedo alucinando cunha das respostas. Pregúntalle o xornalista por que non está na rede o dicionario da Real Academia Galega e Xosé Ramón Barreiro responde textualmente.
Agora sae unha nova edición do dicionario. Sabe canto custa facelo? Vinte millóns de pesetas. Haberá que darlle tempo á editorial que o publica para recuperar o investimento, non si? Eu non teño eses vinte millóns. Se a min a Real Academia Española me dá eses cartos, mañá mesmo está na rede.
E digo eu… Tan difícil é xuntar 20 quilos de nada para que este idioma teña na rede un dicionario con xeito en lingua galega? Francamente, paréceme unha cantidade completamente ridícula. E é máis: creo que debería de ser un regalo que podería facernos aos galegos o bipartito, agora que xa está en funcións e que sabe con certeza que vai deixar o poder.
20 millóns de vellas pesetas… 120.000 míseros euros ben os vale a nosa cultura, a nosa lingua… e máis agora, que parece que se achegan ameazas de nubeiros á normalización lingüística. Propoño facer unha campaña no facebook ou algo. Que son 120.000 euros para a administración? Seguro que se gastaron cantidades meirandes en cousas máis superfluas.
——————————————————
PD: Encantoume tamén como Barreiro despacha os reintegratas. Cito: “Beneficiarse do mundo da lusofonía é algo que podemos facer xa. O malo é que se o facemos oficialmente corremos o risco de que o galego desapareza automaticamente. Non quero reabrir aquí vellas liortas, pero unha cousa é a utilidade e outra perdernos nun magma. Nunca vas conseguir que se lle chame galego a todo iso, aínda que o diga Castelao ou o Espírito Santo. Hai que conservar as fronteiras ou desaparecemos.“. Eu só digo. Bravo! 
Artigo gardado en: lingua, política, rede, reintegratas
Ah sim, e achei um artigo seu sobre literatura galega em Portugal, [...]
7 comentarios Deixa o teu comentario
1. one2 | 6/Marzo/2009 at 0:38
Vaia parvada… É um argumento estilo sgae: buaaa buaaa cada descarga é ũa venda perdida buaaaaa.
E nom cola.
À parte de que podem facilmente ganhar cartos tendo-o na rede, e posivelmente bastantes máis dos que poderiam ganhar coa venda desse livrinho.
2. Galeguzo | 6/Marzo/2009 at 9:41
Barreiro é um [censored] e um mentireiro. [censored], pola resposta essa aos rentegracionistas, pois é falsa e ofensiva sem necessidade ([censored], acepção 3ª: “Diz-se como insulto a uma pessoa que enfada ou molesta com o que faz ou diz”).
Mentireiro, porque se a RAG não tem um dicionário em linha é porque não lhe peta e porque os seus dirigentes são tecnologicamente atrasados. A AGAL, com a sua modéstia de recursos, leva já mais de cinco anos com um dicionário em linha com mais de 90 mil verbetes, e já está em fase beta uma actualização com mais de 100 mil. É um dicionário com falhas, sim, mas como todos os dicionários (que, por sorte, não são nem dogmas nem bíblias, mas instrumentos).
Por outra parte, já há tempo que a editorial Ir Indo colocou em linha um dicionário aceitável (http://digalego.com).
3. moinante | 7/Marzo/2009 at 20:01
Galeguzo, precisamente me sacaches da boa o do digalego, que ten as equivalencias en portugués, castelán e inglés e mesmo a conxugación de cada verbo.
4. Prosciutto | 9/Marzo/2009 at 22:27
Para mim, o Barreiro nom tem absolutamente nenguma credibilidade desde hai bem tempo já. Incomodam-me realmente muitas das suas declarações. Especialmente o facto de que ataque veladamente o reintegracionismo (sem argumentos de peso, ademais) e nom ataque directamente a Galicia Bilingüe, por exemplo, que persegue a minorizaçom do galego na nossa sociedade. Resulta-me escandaloso o seu silêncio e, em geral, o da RAG como instituiçom no referente à situaçom linguística em Galiza e que (para compensar?!) critique uma corrente que, com argumentos mais ou menos acertados, o que quer é a normalizaçom social do galego.
O do dinheiro para o dicionário é uma escusa barata, ao meu ver. Se fai falta dinheiro, simplesmente, hai que mover o cu do sofá e petar portas. E hai bem mais que as portas das conselharias da Xunta. Existem os concelhos, as deputações, as fundações (como a Barrié, que financiou o Atlas Linguístico!). Existem linhas de financiamento a nível europeu. Para mim, todo isto só revela uma cousa: incompetência. A existência do dicionário da AGAL e do Digalego deixam este home em cirolas.
Pero, a pesar de todo isso, nom lhe vou chamar “imbécil” nem nada. Penso que el tampouco lhe chama imbécil a ninguém. Os insultos sobram, sempre.
E o da campanha no Facebook parece-me uma excelente ideia. Quando se abre?
5. alema | 9/Marzo/2009 at 22:47
#4
non me fixara no tema do insulto
co permiso do galeguzo vou editar esa parte
6. Galeguzo | 10/Marzo/2009 at 10:17
#4 #5 Todo seja dito, eu utilicei a palavra “imbecil” como adjectivo, não como insulto. “Imbecil” é a palavra não eufemística para designar a pessoa que «enfada ou molesta com o que faz ou diz».
Também podemos utilizar outras fórmulas, como “rompecolhões”, “tocacolhões”, “tocafocinhos”… ou a mais eufemística “incórdio”, ainda que perde muitos matizes. Vamos, se alguém sabe alguma palavra que não soe a insulto e signifique o mesmo que “imbecil” («pessoa que enfada ou molesta com o que faz ou diz»), pois adiante.
Por último, lembro que a palabra IMBECIL (mas em plural) figura no hino nacional galego. Portanto, Barreiro bem poderia sentir-se orgulhoso e eu lhe dirigir tal palavra
(E não, não me ofendo pola censura).
7. Scaaveiro | 10/Marzo/2009 at 20:06
Já chegou a Gestapo para dizer que é o que se pode e o que nom se pode ler?
Deixa un comentario
HTML permitido:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>
Trackback deste artigo | Subscribirse aos comentarios mediante RSS