alema

Unha rectificación acompañada de petición de desculpas

Ante a aparición de comentarios manifestamente racistas e xenófobos neste blog, decidín eliminar o post dedicado aos neonazis reintegratas. É o efecto colateral de xogar con lume nun tema en que -admito- non debín de meterme nunca e que se me foi das mans. Foi un erro polo que vos pido desculpas a todos os lectores do blog, que mantemos discrepancias á hora de afrontar un modelo para o noso idioma, pero que compartimos o noso rexeitamento manifesto a este tipo de actitudes. Aos reintegratas que vos sentistes ofendidos porque entendistes que pretendía identificar reintegracionismo con esta ideoloxía aberrante tamén vos pido perdón, aínda que vos dou a miña palabra de que en ningún momento ese era o meu obxectivo. Sabede tamén que a partir de agora todos os comentarios racistas, xenófobos ou difamatorios serán borrados e os seus usuarios, baneados. Espero que aceptedes as miñas desculpas.

alema

Xaneiro 8th, 2009