alema

Coñecido activista anti-bueno, sorprendido usando ‘boeno’ no seu blog (antes de ver ‘a luz’, por suposto)

Moito se meteu o blogueiro e chuceiro reintegracionista Fer cos partidarios do recoñecemento da interxección “bueno” como plenamente galega. A min, como principal promotor, chamoume de todo… ata “friki”. E en Facebook mesmo se sumou a unha campaña -de moi pouco éxito, por certo- denominada “o sea é galego”, co único obxectivo de ridiculizar a galeguidade de “bueno”. Pero para que están as hemerotecas? Para consultalas. Velaquí a proba de que o Fer empregaba “bueno” (escrito con “o”) no seu blog (Facíao Castelao, como non o ía facer el?!). Tachán!!

Como se pode ver, o post está escrito no ano 2005, cando este coñecido blogueiro aínda non cruzara a liña do reintegracionismo. Era daquela “friki” cando usaba “boeno”? Era menos galego daquela porque escribía en norma RAG e dicía “boeno” sen ruborizarse?

E non pensen que o usaba esporadicamente. Miren, miren, como inauguraba Fer o seu blog, hai pouco máis de tres aniños…

En fin, que non é o primeiro anti-bueno en caer nin tampouco será o último… porque bueno, por moito que reneguen, é ga-le-go. E tranquilos. Xa haberá máis episodios de “Hormigas Blancas“…

8 comments Decembro 16th, 2008