alema

Palabras que se len igual do dereito
e virando 180 graos

Xa vin que non lle fixestes nin puto caso á adiviña que vos deixei o outro día, pero bueno… como estamos de ponte festiva e como non vén mal descontrair un pouco despois das últimas polémicas, ofrézovos a solución ao enigma. Remember: pedíanse cinco palabras galegas en maiúsculas que se lean igual do dereito que virando a folla 180 graos (ou facendo o pino, vaia).

Repasando o abecedario só estas letras maiúsculas se len igual dun modo ca do outro: H, I, N, O, S, X, Z. Dese xeito, só se poden construír palabras capicúa con esas letras. E mira ti que en galego se poden facer polo menos cinco, que son as seguintes:

NIN

NON

SIS

SOS

SONOS

O conto non sae se o facemos nin en español, nin en portugués, nin en hybrid reintegrata. Tampouco se o facemos con letras minúsculas (só valería “sos” e nin iso porque SOS é S.O.S. e S.O.S. só pode ir con maiúscula). Pois iso. Nótase ben que o amigo que me propuxo a adiviña é amante dos encrucillados.

En fin… Mañá xa daremos máis caña.

16 comments Decembro 6th, 2008