Medicamentos con nomes galegos e… reintegratas tamén!
Baixo que criterios se inventarán os nomes comerciais dos medicamentos? Porque case todos parecen seguir o mesmo esquema: teñen un ‘look’ científico e adoitan conectar ben co consumidor. Son nomes comerciais que se empregan en varios países… só que algúns deles os sentimos máis propios ca outros.
Tal é o caso do Dolmen, monumento megalítico contra a dor de cabeza e o que faga falta.
Pero hai máis. A ver, hai algo máis galego ca un bo Plantaben?
Nas farmacias tamén é posible comprar Karaya, o que pasa é que os fabricantes non deben saber o estraño que pode soar aquí. Por certo: a Karaya é un produto para perder peso.
Os amigos reintegratas tamén se poden ver representados nos medicamentos. Hai por exemplo o Herbetom, moi bo contra as caterreiras.
…Aínda que sen dúbida o medicamento reintegrata por antonomasia é o arquicoñecido Sintrom. Eu, se fose a AGAL, incluía a palabra no Estraviz xa. 
15 comments Setembro 18th, 2008
Loading ...
