alema

Help! Se non son isolacionista… alguén pode dicirme que é o que son?

Creo que xa volo comentei algunha vez. Nin son nin me sinto isolacionista. Partimos da base que o termo é empregado erroneamente polos reintegracionistas para definir os que non comparten as súas teorías. O isolacionismo é, como nos recorda a propia wikipedia portuguesa, “a práctica oficial dun estado ou nación que consiste en pecharse aos demais quer económica, quer politicamente”, tipo a Albania de antano ou a Corea do Norte de hoxe.

Aínda así, mesmo aplicado á lingüística, tampouco me considero isolacionista porque eu non promovo illarme, nin pecharme aos demais, e moito menos ao portugués, que é un idioma irmán! Daquela, que termo define mellor a miña postura? “Oficialismo”, quizais?

Non sei… o caso é que me gustaría coñecer a vosa opinión… Que palabra definiría mellor a todos aqueles que non defenden a reintegración co portugués? Espero as vosas propostas.

28 comments Xullo 15th, 2008